Pacientja më e pafat me COVID-19 shkroi histori

Pacientja më e pafat me COVID-19 shkroi histori

11:46, 25/10/2021

Bota ka rreth 2 vite që fle dhe zgjohet me COVID-19.

Ndërsa virusi ka shkaktuar vdekjen e afro 5 milion njerëzve në të gjithë botën një lajm nga Shtetet e Bashkuara të Amerikës është bërë axhenda numër një e botës shkencore.

 Sipas revistës shkencore ‘Live Science’ një grua 47 vjeç që mundi kancerin luftoi me COVID-19 për 335 ditë.

47 vjeçarja ishte infektuar në pranverën e vitit 2020 dhe që atëherë ajo trajtohet.

Gruaja fatkeqe u dërgua në spitalin e Institutit Kombëtar të Shëndetit të SHBA-së, madje kur doli nga spitali, iu desh të merrte mbështetje për oksigjen në shtëpi.

Por duke ekzaminuar mostrat e mbledhura në periudhën e parë të infeksionit me Covid-19, ekspertët konstatuan se lloji i virusit nuk ka ndryshuar. 

Me fjalë të tjera, pacientja vazhdoi të mbante të njëjtin virus për gati një vit.

Mendohet se sistemi imunitar i pacientes është dobësuar për shkak të trajtimit të limfomës që kishte marrë më parë dhe kjo është arsyeja pse koronavirusi mund të qëndrojë kaq gjatë në trupin e pacientit.

Edhe pse ky është një proces shumë i vështirë për pacienten, ajo po shihet si një mundësi shumë e rëndësishme për shkencëtarët. 

Duke analizuar mostrat nga kjo paciente, shkencëtarët mundën të analizonin se si evoluoi koronavirusi, sepse në kampionin e koronavirusit nga pacientja në fjalë, u zbuluan dy fshirje gjenetike, pra mutacione që fshijnë disa pjesë të gjenomit.

Sipas studimit, i cili ende nuk është vlerësuar nga një komitet shkencor i rishikuar nga kolegët, një nga këto fshirje ka ndodhur në gjenet që kodojnë proteinën e spikut të përdorur nga koronavirusi për të pushtuar qelizën.

Infeksionet kronike janë të rralla, por mund të çojnë në variante të reja pasi virusi ka më shumë kohë dhe hapësirë ​​për t'u zhvilluar në një trup me një sistem imunitar të dobësuar.

Nga ana tjetër, si rezultat i një kërkimi tjetër që zgjati për muaj të tërë, shkencëtarët arritën të identifikonin problemin shëndetësor që shihet tek shumë njerëz që kanë koronavirus dhe i kanë mbijetuar sëmundjes.

Shumë njerëz që janë shëruar nga infeksioni COVID-19 ende vuajnë nga humbja e nuhatjes, raportuan të premten në Rrjetin JAMA studiues në Shkollën e Mjekësisë Icahn në Mount Sinai, një nga sistemet më të mëdha spitalore në Nju Jork.
 

 

© SYRI.net

Lexo edhe:

Komentet

Shto koment

Denonco