Keni dyshime se jeni infektuar? Kjo është lista e simptomave të COVID-19 që dallon nga gripi

Keni dyshime se jeni infektuar? Kjo është lista e simptomave të COVID-19 që dallon nga gripi

09:56, 28/11/2020

Covid-19 është kryetema e këtij viti që po ikën dhe virusi është ende aty. Vala e dytë ka nisur dhe bashkë me të edhe virozat e stinës. Njerëzit e kanë të vështirë t`i ndajnë simptomat nëse janë prej koronavirusit apo prej gripit të zakonshëm.

Megjithatë një studim tregon se ka një dallim të dukshëm me sty gjendjeve dhe ajo është radha e simptomave. Një ekip studiuesish në Universitetin e Kalifornisë Jugore u përpoqën të kuptonin rendin më të zakonshëm sipas të cilit shfaqen simptomat.

Për studim u përdorën të dhënat e 55 mijë rasteve në Kinë.

Bazuar në rezultatet e këtij studimi, radha e simptomave është kjo:

Ethe/ Temperaturë

Kollë

Të përziera dhe / ose të vjella

Diarre

Kur zgjeruan analizën e tyre për të përfshirë simptoma shtesë, rendi përsëri dukej i ngjashëm:

Ethe/ Temperaturë

Kollë

Dhimbje fyti, dhimbje muskulore ose dhimbje koke

Të përziera dhe / ose të vjella

Diarre

Dhe në fund humbja e shijes apo nuhatjes

Studiuesit gjithashtu krahasuan progresin e mundshëm të simptomave Covid kundër gripit dhe zbuluan se gripi kishte më shumë të ngjarë të fillonte me kollë në vend të temperaturës. Njerëzit me grip gjithashtu kishin më shumë të ngjarë të kishin dhimbje trupi, dhimbje koke dhe dhimbje fyti para se të kishin temperaturë.

Sigurisht që këto rezultate nuk janë universale, pasi ka njerëz që nuk kanë fare temperaturë nga Covid-i.

Një kufizim tjetër i këtij studimi është gjithashtu fakti se shumë njerëz nuk e mbajnë mend radhën e vërtetë të simptomave.

Diferencën dhe diagnostikimin e bën tamponi dhe për këshilla dhe sugjerime i besohet vetëm mjekut.

© SYRI.net

Lexo edhe:

Komentet

Shto koment

Më të lexuarat
Denonco