Në këtë mënyrë, numri i përgjithshëm i rasteve të sëmundjes së re në ekonominë më të fuqishme evropiane shkoi në 942.687, shkruan The Guardian.

Përpos infektimeve, gjatë kësaj periudhe u regjistruan edhe 249 viktima të reja dhe numri i përgjithshëm i të vdekurve nga pandemia shkoi në 14.361.

Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera, transmeton Gazeta Express.

Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.