Pandemia e koronavirusit ka shpërthyer që prej fundit të dhjetorit të 2019 në Kinë, ku përfshiu më pas edhe qindra shtete të tjera në mbarë botën që ende nuk kanë mundur ta zhdukin këtë virus vdekjeprurës.
Mirëpo shtimi i rasteve të reja me Covid-19 në shumë vende të botës muajin e fundit ka shtuar frikën për një valë të dytë të pandemisë së koronavirusit.
Deri më tani pandemia e koronavirusit ka vrarë 1 milion njerëz dhe ka shkaktuar mbi 33 milionë infektime.
Por parashikimet nuk janë aspak optimiste edhe për muajt në vazhdim, pasi shkencëtarja e Universitetit të Kembrixhit, Sally Davies, ka publikuar një artikull shqetësues në prestigjiozen britanike “The Guardian” sa i takon një vale të dytë të pandemisë.
“Një pandemi tjetër është në horizont. Kolegët e mi shkencëtarë vlerësojmë se duke nisur nga tani, do të përballemi me një pandemi ose të paktën emergjencë shëndetësore çdo pesë vjet. Dhe këto janë skenare optimiste, sepse realiteti mund të jetë edhe më keq”, shkruan ajo.
Davies këmbëngul që bota të përgatitet për të identifikuar në kohë kërcënimin e ardhshëm shëndetësor. Sipas saj duhen nxjerrë mësime nga e kaluara dhe ajo çfarë ndodhi me Covid 19 në mënyrë që gabimet të mos përsëriten.
Studiuesja thotë se duhet ta detyrojmë veten që të mendojmë dhe të veprojmë ndryshe, duke shtuar se mobilizimi botëror për gjetjen e një vaksine është frymëzues, por autoritetet sipas saj duhet të shikojnë se çfarë përgatitjesh mund të bëjnë në pesë vjetët e ardhshme për ta përballuar më mirë një emergjencë të re të shëndetit.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
