Ndërsa numri i infeksioneve të reja me SARS-CoV-2 mbeti i lartë në Greqi, një ekspert i sëmundjeve infektive tha të enjten se përdorimi i detyrueshëm i maskave të fytyrës brenda dhe jashtë mund të ndihmojë në ngadalësimin e përhapjes së saj në komunitet.
Duke folur për kanalin televiziv Skai, Marios Lazanas tha se komiteti i ekspertëve që këshillon qeverinë për koronavirusin nuk ka diskutuar për bllokimin ose mbylljen e shkollave, por çështja mund të propozohet në të ardhmen nëse masat aktuale nuk japin fryte.
“Një bllokim është i dhimbshëm financiarisht. Ajo që kërkohet është shtrëngimi i masave me përdorimin e detyrueshëm të maskës së fytyrës brenda dhe jashtë, ” tha Lazanas, i cili është një anëtar i komitetit.
Ai tha se masa është e lirë dhe efektive. “Nëse ka 4 ose 5 persona pa maskë, a nuk është ky një grumbullim? Çfarë nuk shkon, çfarë problemi ka maska?!”
Lazanas theksoi gjithashtu nevojën për të ulur infektimet në transportin publik duke rritur frekuencën e shërbimeve, ndoshta duke marrë me qira autobusë.
Për sa i përket vendeve të punës, specialisti i sëmundjeve infektive sugjeroi që të rritet shkalla e punimit online dhe të merren masa për të mbrojtur vendet e punës.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
