94 të vdekur nga Covid-19, mbi 2 mijë raste aktive në Kosovë

94 të vdekur nga Covid-19, mbi 2 mijë raste aktive në Kosovë

21:19, 10/07/2020

Para Insitutit Kombëtar të Shendetit Publik po qëndron ambasadori gjerman në Kosovë Christian Heldt.

Minuta më vonë, paraditen e së premtes këtu atij dhe kreut të ISHKPK-së Naser Ramadanit, iu bashkua ministri I Shendetësisë Armend Zemaj.

Kjo për të bërë dorëzim pranimin e 6000 testeve për Covid 19, si donacion nga Gjermania.

Këtu, i pari i Shëndetësisë, tha se në këtë situatë kur ka shtim të rasteve të infektimit me virusin Korona, ndihma të tilla janë të mirëpritura.

Pasi në mënyrë simbolike, diplomati gjerman ua dorëzoi dy kuti me teste, tha se karshi ndihmës së tyre duhet të ketë veprime nga ana e qeverisë e qytetarëve.

E Zemaj mori sërish fjalën.

Ai tha se mbetet shqetësim që raste të infektimit ka nëpër insititucionet publike.

E shqetësim të ngjashëm, ka shprehur edhe kolegu i Zemajt, ministri I Punëve të Brendshme, Agim Veliu.

MPB ka njoftuar se me kërkesë të Veliut çdo ditë do të raportohet për gjendjen shëndetësore të zyrtarëve te ministrisë.

Si pasojë e shtimit të numrit të të infektuarve, që nga e shtuna janë ndaluar edhe vizitat për të burgosurit.

Deri të premten, numri i viktimave nga Covid-19 në Kosovë tashmë ka shkuar në 94.
Nderkaq, më shumë se 260 pacientë janë të hospitalizuar aktualisht, e të cilët janë pozitiv me Covid 19.

Vetëm gjatë së enjtes në vend janë shënuar 207 raste të reja pozitive me virusin Korona.

Bashkë me këto raste, numri total i personave pozitiv me Covid 19 në Kosovë ka shkuar në 4 mijë e 307.

Prej tyre, aktualisht raste aktive janë 2118, kurse që nga fillimi I pandemisë janë shëruar 2 mijë e 95 pacientë.

Sa përket komunave, kryeqyteti prin me numrin më të madh të rasteve.

© SYRI.net

Lexo edhe:

Komentet

Shto koment

Më të lexuarat
Denonco