Hetimi i OBSH/ Kina ia hedh fajin Spanjës: COVID-19 e ka origjinën në Evropë

Hetimi i OBSH/ Kina ia hedh fajin Spanjës: COVID-19 e ka origjinën në Evropë

19:47, 04/07/2020

Në përpjekje për të hedhur fajin gjetkë, Kina është përpjekur të fajësojë Spanjën për koronavirusin e ri ndërsa sugjeron që sëmundja vdekjeprurëse e ka origjinën në Evropë dhe jo Wuhan.

Sipas njoftimeve ndërkombëtare, rastet e para u zbuluan në qytetin kinez të Wuhan-it në fund të vitit 2019 dhe virusi mendohet të ketë nisur që të përhapet nga një treg i madh ku shiteshin kafshë të egra, dhe më pas u gjend në të gjithë botën.

Kina është akuzuar se ka mbuluar shfaqjen e rasteve të para duke u mbyllur gojën mjekëve të cilët u përpoqën të paralajmërojnë publikun, duke hutuar studiuesit e shkencëtarët që e identifikuan atë si një koronavirus të ri, dhe nuk arriti të paralajmërojë pjesën tjetër të botës derisa u bë vonë.

Organizata Botërore e Shëndetit pritet tashmë që të nisë një mision në Kinë javën e ardhshme, si pjesë e përpjekjeve të saj për të gjurmuar origjinën e Covid-19, ndërsa pandemia “lulëzon” në vende si SHBA Brazili, Meksika dhe Rusia.

Në përpjekjen e fundit të Kinës për të hequr fajin nga vetja, Wang Guangfa, këshilltar i lartë shëndetësor me qeverinë, u tha mediave shtetërore që zyrtarët e OBSH-së duhet të shikojnë një numër vendesh, përfshirë Spanjën, si pjesë e hetimit të tyre.

Ai përmendi studimet në Barcelonë për të cilat thuhet se kanë zbuluar Covid-19 në mostrën e ujërave të zeza nga marsi i 2019, rreth nëntë muaj para se mjekët në Ëuhan të alarmoheshin nga grupi i parë i rasteve.

© SYRI.net

Lexo edhe:

Komentet

Shto koment

Më të lexuarat
Denonco