Shërohen edhe 4 persona nga koronavirusi në Kosovë

22:18, 24/05/2020

Gjatë 24 orëve të fundit janë shëruar edhe katër pacientë të prekur me COVID-19, duke çuar kështu totalin në 789.

Nga data 8 shkurt deri sot, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.032 raste, me gjithsej 29 raste të vdekjes të cilët kanë pasur sëmundje të tjera shoqëruese.

Ndryshe, sot për herë të parë pas 13 marsit, në Kosovë nuk është konfirmuar asnjë rasti i ri me COVID-19.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetizolim dhe të kërkojnë ndihmë mjekësore nëse kanë simptome.