Pas maceve edhe një qen në SHBA del pozitiv me koronavirus. Qeni me emrin Wilson i përket një familjeje në Chapel Hill, North Carolina. Burrë e grua dhe djali i tyre kanë dalë me koronavirus. Ata filluan të dyshojnë për qenin e tyre Wilson kur ai refuzoi të hante mëngjezin.
Është interesant se familja ka edhe një qen tjetër si dhe një mace, por ata nuk e kanë marrë virusin.
Po ashtu edhe vajza e shtëpisë Sandy, nuk është infektuar.
Ky është rasti i parë që dimë në SHBA ku virusi ka kaluar nga njeriu te qeni, shkruan gazeta Illyria. Muajin e kaluar një rast i ngjashëm në Hong Kong mund të ketë qenë i pari në botë i transmetimit të virusit nga njeriu te kafsha.
Studjuesit besojnë se është më e lehtë që virusin ta marrin macet sesa qentë. Ata gjithashtu besojnë se në SHBA ka shumë kafshë shtëpiake që janë infektuar, por nuk dihet ngaqë nuk u bie radha të testohen. Wilson ishte një rastësi që u testua sepse familja kishte pranuar të bëhej pjesë e një studimi nga Duke University.
E zonja e shtëpisë tregoi për median se Wilson e ka zakon që ua lëpin pjatat familjarëve si dhe këta shpesh ia afrojnë fytyrën e tyre përpara fytyrës së tij.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
