Të shtunën, forcat irakiane të sigurisë sulmuan kampin e protestës në Bagdad, duke hedhur gaz lotsjellës dhe duke gjuajtur me plumba, ku si pasojë janë vrarë katër njerëz dhe plagosur dhjetëra të tjerë, thanë policia dhe burimet mjekësore.
Ofensiva e fundit e forcave të sigurisë, për ti dhënë fund protestave dhe të rivendosnin rendin, erdhi disa orë pasi kleriku populist Moqtada al-Sadr, i cili numëron miliona mbështetës në Bagdad dhe në jug, tha që ai do të ndalonte përfshirjen e tij në trazirat anti-qeveritare.
Përkrahësit e Sadr, të cilët kishin forcuar protestuesit antiqeveritar dhe ndonjëherë luanin një rol në mbrojtjen e tyre nga sulmet e forcave të sigurisë dhe të armatosurve të paidentifikuar, filluan të tërhiqeshin në fillim të ditës së shtunë, pas njoftimit të Sadr.
Përleshjet vazhduan pasi autoritetet filluan të heqin barrierat e betonit pranë Sheshit Tahrir, ku demonstruesit antiqeveritar kanë ngritur kampin me muaj të tërë, si dhe nëpër të paktën një urë kryesore mbi lumin Tigër në kryeqytet, thanë gazetarët e Reuters.
Përkrahësit e al-Sadr kishin filluar të largohen nga kampet e protestës brenda natës, pasi ai njoftoi se ai nuk do të përfshihej më në demonstratat antiqeveritare.
Në qytetin jugor të Basrës, forcat e sigurisë bastisën protestuesit anti-qeveritarë brenda natës dhe u vendosën për të ndaluar protestuesit të mblidheshin përsëri atje, thanë burimet e sigurisë.
Policia arrestoi të paktën 16 protestues në qytet.
© SYRI.net
VOA/ Sulm i dyshuar izraelit ndaj Iranit, SHBA mohon përfshirjen
Gjyqi penal ndaj ish-Presidentit Trump, nis përzgjedhja e anëtarëve rezervë të jurisë
Izraeli e njoftoi në minutën e fundit SHBA-në për sulmin ndaj Iranit
Denonco
Merrni lajmet më të fundit nga SYRI.net në çdo moment dhe kudo që të jeni!
