'Kërkon të fshijë identitetin ukrainas', Kievi akuzon Rusinë në gjykatën e lartë të OKB-së: Shtet terrorist

19:08, 06/06/2023

Kievi akuzon Moskën se po kërkon të fshijë identitetin ukrainas. Në Gjykatën e Lartë të Kombeve të Bashkuara, përfaqësuesi ukrainas Anton Korynevych, akuzoi Rusinë, duke thënë se armiku ka për synim fshirjen e fqinjit të saj më të vogël nga harta.

“Kërkon të fshijë identitetin ukrainas”, kështu u shpreh në Gjykatën e Lartë të Kombeve të Bashkuara, përfaqësuesi ukrainas.

Të dy palët po përballen në Gjykatën Ndërkombëtare të Drejtësisë në Hagë në një çështje të ngritur nga Kievi, ku pretendohet se Moska ka mbështetur rebelët në Ukrainën lindore që nga viti 2014.

“Sjellja abuzive e Rusisë dhe reagimi i matur i botës përfundimisht çuan në luftën më të madhe në Evropë që nga Lufta e Dytë Botërore. Federata Ruse ka përbuzje ndaj ligjit ndërkombëtar. Tani ajo kërkon të fshijë identitetin ukrainas kudo. Madje i vendos njerëzit tanë nëpër kampe filtrimi, duke deportuar fëmijët tanë. Rusia thjesht mohon ekzistencën e ukrainasve si një identitet të veçantë”, tha Anton Korynevych, përfaqësues ukrainas.

Teksa e quan Rusinë “shtet terrorist”, Ukraina ka kërkuar në gjykatën e lartë të OKB-së që Moska të paguajë dëmshpërblime për sulmet në Krime, përfshirë avionin që u rrëzua nga rebelët që la të vdekur 298 pasagjerë dhe ekuipazh.

Anton Korynevych po iu drejtohej gjykatësve në Gjykatën Ndërkombëtare të Drejtësisë në një çështje të ngritur nga Kievi kundër Rusisë lidhur me aneksimin e Krimesë nga Moska në vitin 2014 dhe armatosjen e rebelëve në Ukrainën lindore në vitet para pushtimit të plotë të Rusisë në shkurt 2022.

Ndërkohë, në Hagë, avokatët e Kievit po paraqisnin argumente ligjore për të mbështetur çështjen e tyre. Secila palë ka një mundësi tjetër javën e ardhshme për të paraqitur prova. Gjyqtarëve pritet t’u duhen muaj për të nxjerrë një vendim.

© SYRI.net

Lexo edhe:

• ‘Mos e provokoni Iranin’, paralajmëron zëdhënësi i Hezbollahut
• Përmbytjet apokaliptike, që shkundën 'qytetin e përsosur'
• Provat zbulojnë mangësi shqetësuese në sistemin anti-dronë të Francës për Lojërat Olimpike