Tre pacientë të vdekur pas një zjarri në një spital të Austrisë, pamje nga vendi i ngjarjes

11:39, 30/05/2023

 

Sipas mediave të huaja, flakët kanë shpërthyer në një dhomë në katin e tretë dhe për të tre pacientët, çdo ndihmë erdhi shumë vonë.

Veç tyre, kanë bërë të ditur autoritetet austriake, 20 persona kanë marrë lëndime të lehta ndërsa rreth 90 pacientë është dashur të transferohen.

Policia Kriminale Federale dhe ajo e Shtetit kanë nisur hetimet për shkakun e zjarrit.

Duke treguar detajet e ngjarjes, mediat austriake tregojnë se një alarm u aktivizua pak para orës 1:00 të mëngjesit, duke raportuar për “zhvillimin e shpejtë të zjarrit”.

Si pasojë, i gjithë pavioni i sëmundjeve të brendshme ishte mbushur me tym.

Pas kësaj, atje janë dislokuar forcat zjarrfikëse dhe se shuarja e zjarrit u raportua pak para orës 3 të mëngjesit.

© SYRI.net

Lexo edhe:

• SHBA-ja i dërgon Ukrainës raketa me rreze veprimi prej 300 kilometrash
• Bie çmimi i naftës ndërsa zbutet tregu i punës në Shtetet e Bashkuara
• ‘Si një film italian’/ Kur Lavrovi sulmonte median italiane me gjuhën e Ramës