Një fermer krokodilash në veri të Kamboxhias është vrarë brutalisht nga rreth 40 krokodila pasi ra në strehën e tyre.
Luan Nam, 72 vjeç teksa përpiqej të nxirte nga kafazi një nga krokodilat, zvarraniku i kapi shkopin që fermeri i kishte drejtuar në gojë, duke e tërhequr brenda në strehën e tyre.
“Krokodilët e tjerë u vërsulën, duke e sulmuar derisa ai vdiq”, tha shefi i policisë Mey Savry për agjencinë e lajmeve AFP.
Ngjarja ka ndodhur në afërsi të qytetit të Siem Reap të premten.
Trupi i zotit Nam ishte i mbuluar me shenja kafshimi dhe një nga krahët e tij mungonte, tha zoti Savry.
Viktima ishte kryetari i shoqatës lokale të fermerëve të krokodilëve.
Në vitin 2019, një vajzë dy vjeçare u vra nga krokodilët në një fermë të ngjashme në zonë, e cila është afër tempullit me famë botërore Angkor Wat.
Kafshët mbarështohen për vezët, lëkurën dhe mishin e tyre në kombin e Azisë Juglindore.
© SYRI.net