Sulmohet me raketa spitali në Dnipro të Ukrainës, vdesin dy njerëz e plagosen 23 të tjerë

08:43, 27/05/2023

Të paktën dy persona janë vrarë dhe 23 janë plagosur në një sulm me raketa në një klinikë mjekësore në qytetin lindor të Ukrainës, Dnipro.

Sipas kryetarit të Dinpros, Serhiy Lysak, 21 nga 23 të plagosurit janë në spital, teksa tre prej tyre janë në gjendje të rëndë.

Për sulmin ka reaguar edhe presidenti ukrainas, Volodymyr Zelensky, i cili tha se “terroristët rusë konfirmojnë edhe një herë statusin e tyre kundër çdo gjëje njerëzore”, shkruan BBC.

Sulme me raketa e dronë pati në të dy anët, ku kryeqyteti ukrainas, Kievi, ishte shënjestër e dronëve, ku si pasojë një qendër tregtare, një shtëpi dhe disa makina u dëmtuan.

Ndërsa, në Rusi, një shpërthim dëmtoi një ndërtesë banimi dhe zyra në qytetin jugor të Krasnodarit, në lindje të Krimesë, të premten në mëngjes.

 

© SYRI.net

Lexo edhe:

• Izraeli kundër Iranit: Nga atentatet e synuara dhe lufta kibernetike te sulmet me raketa
• Zelensky: Izraeli nuk u la i vetëm me Iranin si ne me Rusinë
• VOA/ Sulm i dyshuar izraelit ndaj Iranit, SHBA mohon përfshirjen