Angli, emigrantët mund të strehohen në anije dhe tragete për të ulur faturën e hoteleve

09:50, 29/03/2023

Suella Braverman, dëshiron të ulë koston e vendosjes së emigrantëve në hotele. Emigrantët mund të strehohen në maune dhe tragete sipas planeve që po shqyrtohen nga Ministria e Brendshme.

Ministrja e Brendshme e Britanisë së Madhe, Suella Braverman, synon të ulë faturën e strehimit të azilkërkuesve në hotele.

Rreth 51,000 emigrantë mendohet se qëndrojnë në 395 hotele me një kosto prej më shumë se 6 milionë paundësh në ditë.

Ministri i Emigracionit Robert Jenrick do të shpallë sot se njerëzit që mbërrijnë në Mbretërinë e Bashkuar përmes rrugëve të paligjshme do të vendosen në vende të ndryshme përfshirë vende si ish-baza ajrore RAF Wethersfield në Essex dhe baza RAF Scampton në Lincolnshire.

Kjo, përkundër kundërshtimit të deputetëve vendas, përfshirë Sekretarin e Jashtëm James Cleverly.

Megjithatë, ministrat thuhet se po shqyrtojnë edhe përdorimin e anijeve lundruese dhe tragetet si forma të tjera akomodimi të përkohshëm.

Një burim i Zyrës së Brendshme i tha HuffPost UK se nuk "ka" anije dhe tragete - por nuk arriti të përjashtonte mundësinë e përdorimit të tyre në të ardhmen.

Zëvendëskryeministri Dominic Raab i tha programit të Radio Four's Today: "Ne do të shikojmë të gjitha mundësitë me kosto të ulët – që nga anijet e mallrave deri tek mundësitë e tjera me kosto të ulët".

Braverman vitin e kaluar pranoi se anijet e lundrimit mund të përdoren për të strehuar azilkërkuesit - një ide e hedhur për herë të parë nga Rishi Sunak në zgjedhjet e lidershipit konservator të verës së kaluar.

Duke u paraqitur para komitetit të punëve të brendshme, ajo tha: "Ju atëherë pyetët për kroçierat, ne duam t'i japim fund përdorimit të hoteleve sa më shpejt që të jetë e mundur, sepse është një kosto e papranueshme për taksapaguesit, është mbi 5 milion paund në ditë vetëm për përdorimin e hotelit.

“Ne do të sjellim një sërë vendesh alternative, ato do të përfshijnë parqe pushimi të papërdorura, ish-salla studentore – duhet të them që po i shikojmë ato vende – do të thosha se asgjë është konfirmuar ende.

“Por ne duhet të gjejmë mijëra vende, dhe kur flisni për anije, gjithçka që mund të them është – sepse jemi në diskutim me një shumëllojshmëri të gjerë ofruesish – se gjithçka është ende në tryezë dhe asgjë nuk përjashtohet.”

© SYRI.net

Lexo edhe:

• Përplasen dy helikopterë të marinës në Malajzi, 10 të vdekur
• Nxënësi në një shkollë në Kroaci kërcënon klasën, i gjenden armë në banesë
• Vdekjet e pashpjegueshme të të burgosurve palestinezë në Izrael