Stoltenberg: Moska po përgatit një ofensivë të re

10:50, 09/02/2023

Sekretari i Përgjithshëm i NATO-s, Jens Stoltenberg, ka thënë se nuk ka asnjë shenjë se Rusia po përgatitet për paqe.

Gjatë një konference të përbashkët për shtyp të mërkurën me sekretarin amerikan të shtetit, Antony Blinken, Stoltenberg tha se Moska është duke përgatitur një ofensivë të re.

 “Fatkeqësisht, ne nuk shohim asnjë shenjë se Rusia po përgatitet për paqe. Përkundrazi, Moska po përgatitet për ofensiva të reja ushtarake.

Pra, ne duhet të vazhdojmë t’i ofrojmë Ukrainës armët që i nevojiten për të rimarrë territorin dhe për të mbizotëruar si një komb sovran dhe i pavarur”, tha Stoltenberg.

Ndërkohë, forcat ruse kanë rifituar iniciativën në Ukrainë dhe kanë filluar ofensivën e tyre të radhës në rajonin lindor të Luhanskut, sipas Institutit për Studimin e Luftës (ISW).

Ofensiva në Luhansk vjen pas largimit të presidentit Volodymyr Zelensky për një vizitë në Britaninë e Madhe dhe në kryeqytet kryesore evropiane.

© SYRI.net

Lexo edhe:

• Biden thellësisht humbës për çështjet kryesore të inflacionit e imigracionit
• Sulm me thikë në një shkollë në Uells, plagosen dy mësues dhe një nxënës, arrestohet adoleshentja për tentativë vrasjeje
• Tentuan të arratiseshin përmes një tuneli, të burgosurit në Venezuelë u përballën me një surprizë të padëshiruar