Qeveria kanadeze u thotë qytetarëve të pinë vetëm dy pije alkoolike në javë

Qeveria kanadeze u thotë qytetarëve të pinë vetëm dy pije alkoolike në javë

15:23, 05/02/2023

Qeveria kanadeze ka dalë me një udhëzim të ri përmes së cilit u kërkon qytetarëve të saj të pinë maksimumi dy pije me alkool çdo javë.

Dy pije me alkool konsiderohen me rrezik të ulët nga udhëzimi i mbështetur nga qeveria. Kjo është një rënie e madhe nga udhëzimi i publikuar më 2011, ku lejoheshin maksimumi 10 pije në javë për gratë dhe 15 për burrat.

Raporti prej gati 90 faqesh, nga Qendra Kanadeze për Përdorimin e Substancave dhe Varësinë (CCSA), detajon një sërë rreziqesh shëndetësore që lidhen me atë që më parë konsiderohej konsum i ulët i alkoolit.

Sipas CCSA, çdo më shumë se dy pije standarde-secila ekuivalente me 12 mililitra birrë alkooli 5% ose një gotë 5 mililitra me verë alkool 12%-sjell një rritje të rezultateve negative, duke përfshirë kancerin e gjirit dhe zorrës së trashë.

Mund të jetë lajm befasues për afërsisht 80% të të rriturve kanadezë që pinë.

Rekomandimet e reja e vënë vendin jashtë hapit me disa vende të tjera perëndimore. Udhëzimi kombëtar i Australisë, i publikuar në vitin 2020, rekomandon maksimum 10 pije standarde në javë. Franca sugjeron të njëjtën gjë.

SHBA rekomandon jo më shumë se dy pije në ditë për burrat dhe një për gratë, ndërsa Britania e Madhe rreth gjashtë gota verë, ose gjashtë litra birrë-në javë.

Por Kanadaja nuk është e vetmja me këtë ndryshim drastik. Që nga viti 2015, këshilli shëndetësor i Holandës rekomandoi që njerëzit të abstenojnë plotësisht nga alkooli ose të pinë jo më shumë se një pije standarde çdo ditë.

Është ende një pyetje e hapur nëse kanadezët-të cilët e duan birrën pothuajse po aq sa e duan hokejin-do të binden të pinë më pak për shkak të këtij udhëzimi.

Sipas Anketës Globale të Drogës, në frekuencën e pijeve, Kanadaja nuk renditet në dhjetë vendet e para globalisht, duke rënë nën mesataren globale. Por në masën e “ndjenjës së dehur’, Kanadaja ishte në vendin e gjashtë, menjëherë pas SHBA-së dhe Britanisë së Madhe.

Shkencëtarët e CCSA dhe ekspertë të tjerë thonë se etiketimi i detyrueshëm i të gjitha pijeve alkoolike me paralajmërime shëndetësore, tashmë praktikë e zakonshme për cigaret, është hapi i parë i domosdoshëm.

© SYRI.net

Lexo edhe:

Komentet

Shto koment

Denonco