Presidenti i SHBA Joe Biden tha dje të premten se ishte "i indinjuar" dhe "thellësisht i lënduar" pasi pa videon "e tmerrshme" të arrestimit të dhunshëm të Tire Nichols, një afrikano-amerikani 29-vjeçar që vdiq tre ditë më vonë.
"Imazhet që u publikuan sonte do të shkaktojnë zemërim në popullatë dhe për arsye të mirë," pranoi zoti Biden në deklaratën për shtyp të lëshuar nga shërbimet e Shtëpisë së Bardhë, por shtoi se është e nevojshme që demonstratat që do të zhvillohen të jenë " paqësore".
Pesë policët që rrahën brutalisht të riun ndërsa e arrestuan për një shkelje të thjeshtë të rregullave të qarkullimit rrugor në Memphis (Tennessee) më 7 janar, të cilët janë gjithashtu me ngjyrë, janë hequr nga radhët e policisë dhe tashmë po përballen me ndjekjen penale për vrasje.
Sipas presidentit amerikan, familja e Tyree Nichols "meriton" një "hetim të menjëhershëm, të plotë dhe transparent".
Zoti Biden foli me familjen e të riut më herët dje dhe vlerësoi thirrjen e tyre që protestat të jenë paqësore.
Ai vuri në dukje se foli me nënën dhe njerkun e Tyree Nichols, "u shprehu ngushëllimet e tij personale" atyre dhe "i admiroi për guximin dhe forcën e tyre".
I pyetur për rrezikun e shpërthimit të incidenteve të dhunshme në mitingje të ndryshme të organizuara në SHBA, veçanërisht në Memphis, zoti Biden u tha gazetarëve :
"Unë jam padyshim shumë i shqetësuar, por mendoj se Roe Von Wells (s.a. nëna e Tyree Nicholls) bëri një lutje e fortë për qetësi.
Dy këshilltarë të presidentit diskutuan dje me kryetarët e 16 qyteteve ku ishin planifikuar protestat.
© SYRI.net
Izraeli kundër Iranit: Nga atentatet e synuara dhe lufta kibernetike te sulmet me raketa
Zelensky: Izraeli nuk u la i vetëm me Iranin si ne me Rusinë
VOA/ Sulm i dyshuar izraelit ndaj Iranit, SHBA mohon përfshirjen
Denonco
Merrni lajmet më të fundit nga SYRI.net në çdo moment dhe kudo që të jeni!
