E burgosura politike në Bjellorusi, Maria Kolesnikova, dërgohet me urgjencë në spital

08:10, 30/11/2022

E burgosura politike në Bjellorusi, Maria Kolesnikova është shtruar në një njësi të kujdesit intensiv, sipas kanalit Telegram të një politikani tjetër të opozitës.

Aktivistja politike u shtrua për herë të parë në spital dje në qytetin e Gomelit dhe avokati i saj nuk ka mundur ta shohë atë, tha në Telegram ish-kandidati për president, Viktor Babariko.

Kolesnikova, e cila ishte një figurë kyçe në fushatën presidenciale të opozitës kundër presidentit të fortit bjellorus Alexander Lukashenko në vitin 2020, u dënua me 11 vjet burg vitin e kaluar.

Ajo ka punuar më parë me fushatën e Babarikos, të cilit iu ndalua regjistrimi pasi u arrestua me akuzën e ryshfetit.

Kolesnikova ishte përballur me akuzat për dëmtim të sigurisë kombëtare kur u arrestua në shtator të vitit 2020 pasi i rezistoi përpjekjes së autoriteteve për ta detyruar atë të ikte në ekzil.

Udhëheqësja e opozitës së Bjellorusisë Sviatlana Tsikhanouskaya tha se lajmet për znj. Kolesnikova ishin "jashtëzakonisht shqetësuese".

"Maria Kalesnikava është shtruar në kujdesin intensiv për arsye të panjohura," shkroi Tsikhanouskaya në Tëitter. "Avokati i saj nuk është lejuar ta shohë. Së fundmi ajo u vendos në një qeli dënimi. Ne kemi nevojë për informacion për gjendjen e saj dhe duhet të sigurojmë që ajo të marrë ndihmën e duhur."

Babariko tha se avokati i Kolesnikovës nuk u lejua ta takonte atë për "të tretën herë radhazi" të martën.

Së bashku me Tsikhanouskaya dhe Veronika Tsepkalo, znj. Kolesnikova ishte një nga tri gratë që udhëhoqi lëvizjen për të mundur Lukashenkon gjatë zgjedhjeve presidenciale të 9 gushtit 2020.

Zgjedhjet, të cilat Lukashenko pretendoi se i fitoi, çuan në një seri protestash masive në vend, të cilave autoritetet iu përgjigjën me një goditje të dhunshme.

© SYRI.net

Lexo edhe:

• Biden thellësisht humbës për çështjet kryesore të inflacionit e imigracionit
• Sulm me thikë në një shkollë në Uells, plagosen dy mësues dhe një nxënës, arrestohet adoleshentja për tentativë vrasjeje
• Tentuan të arratiseshin përmes një tuneli, të burgosurit në Venezuelë u përballën me një surprizë të padëshiruar