Rezervistët rusë janë regjistruar në një pikë grumbullimi gjatë mobilizimit të pjesshëm të trupave në qytetin Volzhsky në rajonin e Volgogradit, Rusi, më 28 shtator, transmeton Syri.net Kosova.
Më shumë se 200,000 njerëz i janë bashkuar Forcave të Armatosura Ruse si pjesë e "mobilizimit të pjesshëm" të qytetarëve për luftën e Moskës në Ukrainë, sipas ministrit rus të Mbrojtjes Sergei Shoigu.
Shoigu tha se trajnimi i njësive të reja do të kryhet në terrene speciale stërvitore dhe qendra stërvitore, njoftoi të martën gazeta shtetërore ruse RIA Novosti. Shoigu nuk ka dhënë detaje shtesë për personelin e sapomobilizuar, shkruan Reuters.
Parlamenti rus bëri gjithashtu ndryshime në ligjin për shërbimin ushtarak për të ashpërsuar dënimin për shkeljen e detyrës së shërbimit ushtarak./Syri.net Kosova/
© SYRI.net