Shtetet e Bashkuara do t’i përgjigjen me vendosmëri çdo përdorimi rus të armëve bërthamore kundër Ukrainës dhe i kanë shprehur Moskës “pasojat katastrofike” me të cilat do të përballet.
Kështu deklaroi të dielën e 25 shtatorit, Këshilltari i Sigurisë Kombëtare Amerikane, Jake Sullivan.
Lajmi u bë i ditur nga agjencia “Reuters”.
Vërejtjet e Sullivan-it përfaqësonin paralajmërimin e fundit amerikan.
Kjo, pas kërcënimit bërthamor nga presidenti rus Vladimir Putin të mërkurën e kaluar.
Putin njoftoi gjithashtu mobilizimin e parë ushtarak të vendit të tij në kohën e luftës që nga Lufta e Dytë Botërore.
“Nëse Rusia kalon këtë vijë, do të ketë pasoja katastrofike për Rusinë. Shtetet e Bashkuara do të përgjigjen me vendosmëri”, u shpreh Sullivan për programin “Meet the Press” të NBC.
Sullivan nuk e përshkroi natyrën e përgjigjes së planifikuar të SHBA-ve në komentet e tij të dielën.
Ai tha se Shtetet e Bashkuara privatisht në Moskë “e kanë shpjeguar në detaje më të hollësishme saktësisht se çfarë nënkupton kjo”.
Zyrtari amerikan shtoi se SHBA-të kanë qenë në kontakt të shpeshtë dhe të drejtpërdrejtë me Rusinë.
Kjo, përfshirë gjatë ditëve të fundit për të diskutuar situatën në Ukrainë dhe veprimet e Putin-it.
© SYRI.net
Sulmi ajror izraelit në një shtëpi në Gaza vret 9 persona, 6 prej të cilëve fëmijë
‘Mos e provokoni Iranin’, paralajmëron zëdhënësi i Hezbollahut
Përmbytjet apokaliptike, që shkundën 'qytetin e përsosur'
Denonco
Merrni lajmet më të fundit nga SYRI.net në çdo moment dhe kudo që të jeni!
