Krerët e shteteve dhe anëtarët e familjeve mbretërore nga e gjithë bota filluan të mblidhen në Westminster Hall të dielën, për t'i bërë nderimet e fundit Mbretëreshës Elizabeth II dhe për të parë arkivolin e saj përpara funeralit.
Ndërsa disa firmosnin librin zyrtar të ngushëllimeve, kujtuan kohët që kishin kaluar me monarkun e ndjerë.
Presidenti i SHBA-së Joe Biden përmendi një anekdotë qesharake të asaj që i ofronte vazhdimisht biskota kur ai e vizitonte për çaj dhe ai vazhdonte t'i hante.
“Por ajo ishte i njëjti person me imazhin e saj: e denjë, e nderuar dhe në gjithçka për të shërbyer”, shtoi ai.
Përfaqësues të institucioneve të Bashkimit Evropian në Londër ishin Presidenti i Këshillit Evropian Charles Michel dhe shefja e Komisionit të BE-së Ursula von der Leyen.
Presidenti francez Emmanuel Macron dhe gruaja e tij Brigitte Macron arritën nën një vëmendje të stuhishme të mediave.
Monarku i ri, Mbreti Charles III, deri më tani ka përshëndetur qindra liderë në pallatin Buckingham. Shumica mbërritën me autobus, mes turmave të mëdha, duke kaluar nëpër portat e Pallatit.
Në një rrugëtim të vështirë për t'i thënë lamtumirën e fundit Mbretëreshës ishte Zonja e Parë e Ukrainës, Olena Zelenska dhe kryeministri Denys Shmyhal.
© SYRI.net
Përplasen dy helikopterë të marinës në Malajzi, 10 të vdekur
Nxënësi në një shkollë në Kroaci kërcënon klasën, i gjenden armë në banesë
Vdekjet e pashpjegueshme të të burgosurve palestinezë në Izrael
Denonco
Merrni lajmet më të fundit nga SYRI.net në çdo moment dhe kudo që të jeni!
