Zjarrfikësit nga e gjithë Evropa janë bashkuar me homologët e tyre francezë për të ndihmuar në luftimin e disa zjarreve, duke përfshirë ato në jugperëndim të vendit.
Pjesë të rajonit të Girones janë kthyer në një djerrinë që digjet pasi flakët atje dhe në Landes fqinje kanë shkatërruar pyjet me pisha.
Një sipërfaqe prej më shumë se 74 kilometra katrorë është djegur që nga e marta, duke çuar në evakuimin e të paktën 10,000 njerëzve.
Më shumë se 360 zjarrfikës dhe automjete të specializuara kanë mbërritur nga Gjermania, Rumania, Polonia dhe Austria., duke bashkuar forcat me mbi 1000 zjarrfikës francezë që ishin tashmë në vendngjarje.
Skuadra gjermane ka punuar me ekipet vendase që nga mëngjesi i së premtes.
"Ne jemi krenarë që jemi këtu," tha zjarrfikësi gjerman, Heiko Basten.
"Të gjithë kolegët janë shumë të etur për të mësuar, për t'u përmirësuar dhe sigurisht për të ndihmuar zjarrfikësit francezë në mënyrë efikase," shtoi ai.
Komandanti i zjarrfikësve francezë tha se prania e kolegëve të tyre të huaj i ka ndihmuar ata të mbulojnë më shumë terren ndërsa luftojnë me flakët.
“Pa ta, ne nuk do të kishim burime të angazhuara këtu, ose do të kishim angazhuar burime këtu në dëm të sektorëve të tjerë”, tha Thomas Mimiague.
Të premten, ndërsa zjarrfikësit e huaj dhe francezë po punonin pa probleme, zjarret në rajon u vunë nën kontroll disi. Por autoritetet lokale kanë paralajmëruar se me temperaturat e vazhdueshme të larta, fitorja është ende e pasigurt.
© SYRI.net
Borrell paralajmëron: Lufta rajonale në Lindjen e Mesme do të sjellë dallgë tronditëse në Evropë!
Yulia Navalnaya: Dua t’u jap shpresë rusëve dhe kam një mesazh për gangsterin Putin
BE do të forcojë sanksionet ndaj Iranit pas sulmit ndaj Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
