Faqja e famshme e gjurmimit të fluturimeve tha se serveri i saj ishte në një ngarkesë të paparë të martën sepse kaq shumë njerëz po shikonin fluturimin e kryetares së Dhomës së Përfaqësuesve, Nancy Pelosi për në Tajvan.
Sipas mediave të huaja, Flightradar24 tha në Twitter se kishte “interes të paprecedentë për gjurmim të vazhdueshëm” në SPAR19 – shenja e një aeroplani të Forcave Ajrore të SHBA-së që transportonte Pelosi në rrugën nga Kuala Lumpur, Malajzi, në Taipei City, Tajvan.
“… Disa përdorues aktualisht mund të kenë probleme me aksesin në sajt, ekipet tona po punojnë për të rivendosur funksionalitetin e plotë për të gjithë përdoruesit sa më shpejt të jetë e mundur”
Në kohën e postimit në Twitter, 345,000 njerëz po ndiqnin fluturimin.
Ndërsa më vonë, kur hyri në hapësirën ajrore të Tajvanit, Flightradar24 tha se 632,000 njerëz po e ndiqnin aeroplanin.
With 708,000 people tracking the aircraft upon landing in Taipei, SPAR19 is Flightradar24’s most tracked live flight of all time. https://t.co/RifLnVzeMP pic.twitter.com/m2OBIV9RME
— Flightradar24 (@flightradar24) August 2, 2022
Në kohën e publikimit, ishte e paqartë se sa njerëz po e shikonin aeroplanin ndërsa ai bënte zbritjen e tij përfundimtare.
Flightradar24 më vonë tha në një deklaratë se SPAR19 ishte “fluturimi i drejtpërdrejtë më i ndjekur” në historinë e faqes në kohën kur u ul, duke u shikuar nga mbi 708,000 njerëz.
SPAR19 u largua nga Kuala Lumpur të martën pasdite me orën lokale dhe zbarkoi në kryeqytetin e Tajvanit pak pas orës 22:45 po sipas kohës lokale, përcjell Telegrafi.
Me ardhjen e saj, Pelosi u bë ligjvënësja më e lartë amerikane që vizitoi Tajvanin në 25 vjet.
Pelosi nuk e konfirmoi vizitën e saj në Tajvan para mbërritjes dhe udhëtimi tërboi Pekinin, duke çuar në vërejtje kërcënuese dhe paralajmërime të përsëritura për SHBA.
© SYRI.net
Izraeli kundër Iranit: Nga atentatet e synuara dhe lufta kibernetike te sulmet me raketa
Zelensky: Izraeli nuk u la i vetëm me Iranin si ne me Rusinë
VOA/ Sulm i dyshuar izraelit ndaj Iranit, SHBA mohon përfshirjen
Denonco
Merrni lajmet më të fundit nga SYRI.net në çdo moment dhe kudo që të jeni!
