Autoriteti i mbrojtjes së konsumatorit në Indi ka ndaluar hotelet dhe restorantet të vendosin një tarifë shërbimi në faturat e klientëve.
Urdhri erdhi pasi autoritetet thanë se kishte pasur një rritje të ankesave nga njerëzit që ishin detyruar të paguanin tarifën.
Restorantet shpesh shtojnë bakshishe prej 5 deri në 15 përqind në faturën e klientit nën kategorinë e “pagesës së shërbimit”.
Por rregullat e reja thonë se restorantet nuk mund të “shtojnë më tarifën e shërbimit si parazgjedhje ose automatikisht” në faturë.
Udhëzimet e reja gjithashtu ndalojnë restorantet që të mbledhin bakshish nga klientët “nën çdo emër tjetër” ose “refuzojnë shërbimin ose hyrjen për klientët që refuzojnë të paguajnë një bakshish”.
Një mosmarrëveshje e pakëndshme për bakshish në restorante ka nisur në vend prej disa vitesh, me klientët që ankohen se nuk ishin të informuar për këtë tarifë shtesë, shkruan BBC
© SYRI.net