Tetëmbëdhjetë persona u vranë dhe 243 u plagosën gjatë trazirave në provincën autonome të Uzbekistanit Karakalpakstan mbi planet për të kufizuar autonominë e saj, thanë autoritetet uzbeke.
Forcat e sigurisë arrestuan 516 persona ndërsa shpërndanin protestuesit të premten, por kanë liruar shumë prej tyre, tha në një konferencë zyra e shtypit e Gardës Kombëtare.
Të shtunën, presidenti Shavkat Mirziyoyev hoqi dorë nga planet për të amenduar nenet e kushtetutës në lidhje me autonominë e Karakalpakstanit dhe të drejtën e tij për t'u shkëputur. Ai gjithashtu shpalli një gjendje të jashtëzakonshme njëmujore në provincën veriperëndimore.
Sipas raporteve zyrtare, protestuesit marshuan nëpër kryeqytetin e provincës Nukus të premten e kaluar dhe u përpoqën të kapnin ndërtesat e qeverisjes vendore.
Një politikan i opozitës në mërgim, Pulat Ahunov, i tha Reuters gjatë fundjavës se njerëzit nuk ishin në gjendje të lëviznin ose të merrnin më shumë informacion për shkak të gjendjes së jashtëzakonshme të vendosur nga autoritetet.
Uzbekistani është një ish-republikë sovjetike e kontrolluar fort, ku qeveria shtyp fort çdo formë mospajtimi. Ky është shpërthimi i dytë i trazirave në Azinë Qendrore këtë vit, pasi Kazakistani shtypi protestat masive në janar dhe Rusia dhe ish-republikat e tjera sovjetike dërguan trupa për të ndihmuar në rivendosjen e rendit.
© SYRI.net
Gjykata e Apelit në Nju Jork rrëzon dënimin e Harvey Weinstein
Kryeministri i Spanjës po shqyrton dorëheqjen për shkak të hetimeve ndaj bashkëshortes së tij
Si e ndihmoi Meghan Markle Mbretin Karli III
Denonco
Merrni lajmet më të fundit nga SYRI.net në çdo moment dhe kudo që të jeni!
