Tre oficerë policie janë qëlluar për vdekje në shtetin amerikan të Kentakit, teksa po përpiqeshin të dorëzonin një urdhër arresti për një burrë të akuzuar për dhunë në familje.
Policia pas të shtënave e ka marrë në paraburgim të dyshuarin, 49-vjeç.
Sherifi i qarkut Floyd John Hunt tha se oficerët ishin përballur me "një ferr të vërtetë" kur arritën në shtëpinë e atij burri.
Katër persona të tjerë u plagosën në vendngjarje në Allen, një qytet i vogël në një pjesë malore të Kentakit lindor me një popullsi prej vetëm 166 banorësh.
Oficerët që vdiqën në të shtënat vonë të enjten janë: kapiteni Ralph Frasure, zëvendësi Ëilliam Petry dhe stërvitësi qenve Jacob Chaffins.
K9 Drago, një nga qentë që kishte në shërbim z.Chaffins, edhe ai u vra.
Kapiteni Frasure kishte qenë në Departamentin e Policisë në Prestonsburg, Kentaki, për 39 vjet. Departamenti tha se ai kishte shërbyer "me nder dhe lavdi deri në sekondën e fundit".
Tre oficerët ndeshën me një breshëri armësh që u erdhi nga një pushkë kur shkuan në shtëpinë që ndodhej në Main Street pak para orës 19:00 me kohën lokale (mesnatë GMT).
Të shtënat vazhduan për gati tre orë përpara se i dyshuari Lance Storz të çohej në paraburgim, pasi ishte dorëzuar pas negociatave ku u përfshinë edhe anëtarët e familjes së tij.
Ai është akuzuar për dy akuza për vrasjen e një oficeri policie, pesë akuza për tentativë vrasje të një oficeri policie, një akuzë për tentativë vrasje dhe një akuzë për sulm të shkallës së parë ndaj një kafshe shërbimi.
"Ky është një mëngjes i vështirë për Commonëealth tonë," tha guvernatori i shtetit Kentucky Andy Beshear në një postim në mediat sociale.
"Floyd County dhe reaguesit tanë të guximshëm të parë pësuan një humbje tragjike mbrëmë."
Trupat e Policisë së Shtetit të Kentakit po kryejnë një hetim vrasjen.
© SYRI.net
Tmerr në Brazil, peshkatarët gjejnë një varkë me 20 trupa të dekompozuar
Irani zotohet se do të përgjigjet ‘brenda pak sekondash’ Izraelit nëse hakmerret
Komisioni i OKB-së akuzon Izraelin se po pengon hetimet për sulmin e 7 Tetorit
Denonco
Merrni lajmet më të fundit nga SYRI.net në çdo moment dhe kudo që të jeni!
