Vendet perëndimore po e mirëpresin lajmin se Turqia është duke e mbështetur anëtarësimin e Finlandës dhe Suedisë në aleancën veriatlantike NATO.
Kryeministri i Britanisë së Madhe, Boris Johnson, ka postuar në Twitter qëndrimin e tij për marrëveshjen mes Turqisë dhe vendeve nordike.
“Lajm fantastik teksa nisim samitin e NATO-s. Anëtarësimi i Suedisë dhe Finlandës do ta bëjë aleancën tonë të shkëlqyer, më të fortë dhe më të sigurt”, ka thënë Johnson.
Presidenti i SHBA-së, Joe Biden, është gjithashtu mbështetës i marrëveshjes, sipas komenteve nga një zyrtar i Shtëpisë së Bardhë, të cituar nga Reuters.
Ky veprim shënon “një ndryshim të rëndësishëm në qëndrimin e sigurisë,” shton zyrtari.
© SYRI.net