Rritet numri i viktimave nga maskara e kryer në shkollën fillore, të martën, në Teksas.
Në fillim u raportua se numri i viktima ishte katërmbëdhjetë por më pas u tha se nëntëmbëdhjetë fëmijë dhe dy mësues u vranë me gjakftohtësi në klasë nga një 18 vjeçar.
Hetuesit thonë se i dyshuari ishte i armatosur me një pistoletë dhe një pushkë gjysmë automatike AR-15.
18 vjeçari dyshohet se ka qëlluar gjyshen e tij në fillim .
Shefi i Policisë së Distriktit të Pavarur të Shkollës Uvalde, Pete Arredondo tha se të shtënat filluan në orën 11:32 me orën lokale të së martës dhe se hetuesit besojnë se sulmuesi "veproi i vetëm’.
Guvernatori i Teksasit Greg Abbott tha se sulmuesi, të cilin ai e quajti si Salvador Ramos, braktisi një automjet përpara se të hynte në shkollë për të hapur zjarr .
Zemërimi i Bidenit- Padyshim i tronditur dhe me lot në sy, Presidenti Joe Biden i është drejtuar mbrëmjen e djeshme amerikanëve dhe Kongresit dhe bën thirrje:
''Shpresoja që kur të bëhesha president nuk do të më duhej të jepja lajme të tilla', tha zoti Biden.
"Të humbasësh një fëmijë është si të të këputet një pjesë e shpirtit," shtoi ai.
Ai tha se është "i sëmurë dhe i lodhur" nga dhuna me armë brenda SHBA-së dhe duhet të bëhen ndryshime.
“Duhet të veprojmë dhe mos më thoni, se nuk mund të kemi ndikim nga kjo masakër”, vazhdoi presidenti.
“Ideja që një fëmijë 18-vjeçar mund të blejë armë është e gabuar”, tha Biden.
Ai e mori lajmin për sulmin ndërsa ishte në bordin e Air Force One, duke u kthyer nga një udhëtim në Azi.
"Si komb, ne duhet të pyesim, kur në emër të Zotit do të bëjmë atë që të gjithë e dimë se duhet bërë."
Rindërtimi i masakrës - Sipas asaj që rezultoi, vrasësi qëlloi fillimisht gjyshen e më pas u aksidentua me makinë pranë shkollës fillore Robb. Ai ka dalë nga makina me pushkë dhe jelek antiplumb, ka tentuar të hyjë në shkollë duke kapërcyer bllokadën e disa agjentëve. Më pas 18-vjeçari u ndalua nga policia të cilët e vranë në vend.
Kush është Salvador Ramos - Pak dihet për Ramos: ai ishte një gjimnazist dhe pak para masakrës kontaktoi me një të panjohur në Instagram duke i thënë se kishte një sekret që donte ta tregonte:
"Unë jam gati të ...".
Megjithatë, ai nuk i ka rrëfyer vajzës se cili ishte gjesti i çmendur që kishte në mendje dhe që e përfundoi disa orë më vonë.
Në llogarinë e tij në Instagram, vrasësi ka postuar një selfie dhe foto me armë, mes të cilave një me dy pushkë pranë njëra-tjetrës.
Nuk dihet nëse këto janë armët e përdorura për masakrën.
Ajo që dihet është se djali ka blerë dy pushkë për ditëlindjen e tij të 18-të.
Precedenti i masakrës së Sandy Hook -
Është një nga masakrat më të rënda në historinë amerikane që sjell në mendje masakrën e Sandy Hook të vitit 2012, kur 20-vjeçari Adam Lanza hapi zjarr, duke vrarë 26 persona, mes tyre 20 fëmijë.
Kjo masakër është e destinuar të ringjallë debatin për armët e zjarrit në SHBA: vetëm pak ditë më parë një 18-vjeçar qëlloi në një supermarket në Buffalo, gjithashtu në Teksas, duke vrarë 10 persona, në një gjest i motivuar nga racizmi.
Në shenjë zie për masakrën e njëmbëdhjetë, Presidenti Biden, duke folur për "një akt të pakuptimtë dhune", urdhëroi që flamujt të mbahen në gjysmështizë deri të shtunën vonë pasdite.
© SYRI.net
Izraeli kundër Iranit: Nga atentatet e synuara dhe lufta kibernetike te sulmet me raketa
Zelensky: Izraeli nuk u la i vetëm me Iranin si ne me Rusinë
VOA/ Sulm i dyshuar izraelit ndaj Iranit, SHBA mohon përfshirjen
Denonco
Merrni lajmet më të fundit nga SYRI.net në çdo moment dhe kudo që të jeni!
