Policia në Belgjikë ka përdoru gaz lotsjellës dhe ujë me presion për të kontrolluar protestat masive ditën e sotme kundër rregullave të vendosura kundër përhapjes së Covid-19 në vend.
Sipas raportimeve, të paktën 50,000 vetë kanë demonstruar në kryeqytetit e Bashkimit Evropian, duke përfshirë këtu edhe qytetarë që udhëtuan nga Franca, Gjermania e vende të tjera evropiane për të ngritur zërin.
Protestuesit thërrisnin “Liri!” ndërsa marshonin nëpër rrugët e e Burkselit dhe përplaseshin dhunshëm me policinë.
Protestuesit kërkuan që t’u jepet fund rregullave të ashpra kundër Covid-19 ndërsa vendi përballet me një “stuhi” rastesh të shkaktuar nga Omicron. Numri i rasteve ditore ka shkuar deri në mbi 60,000. Policia e Brukselit tha se 70 persona u arrestuan dhe se tre oficerë dhe 12 demonstrues kishin nevojë për trajtim spitalor.
Për këtë ngjarje është prononcuar edhe përfaqësuesi i Lartë i BE-së për Punë të Jashtme, Josep Borrell, i cili ka pozuar para një xhami të thyer të institucionit.
“Dënojmë fuqishëm shkatërrimin dhe dhunën e pakuptimtë në protestën e sotme në Bruksel”, ka shkruar Borrell në llogarinë e tij në Twitter.
Strongly condemn the senseless destruction and violence at the manifestation in Brussels today, including against our @eu_eeas /@EU_FPI premises.
— Josep Borrell Fontelles (@JosepBorrellF) January 23, 2022
Thanks to the women and men of the @federalepolitie @policefederale for their action. #Bruxelles pic.twitter.com/YWF9lv5xMx
© SYRI.net