Polonia po rrezikon vlerat e Bashkimit Europian ndaj Komisioni Europian nuk e përjashton marrjen e masave ligjore dhe bllokimin e fondeve për shtetin anëtar.
Në Strasburg u diskutua të martën vendimi i Gjykatës Kushtetuese polake se legjislacioni i BE-së po shkel ligjin themelor të Polonisë.
Brukseli dhe Varshava po përplasen prej muajsh rreth reformës në drejtësi që qeveria polake thotë se do e çlirojë vendin nga korrupsioni dhe sistemi i vjetër komunist, por është kritikuar se po i heq gjyqtarët pa justifikim dhe po cenon pavarësinë e gjyqësorit.
"Sundimi i ligjit është lënda ngjitëse që e mban bashkë tërë Unionin. Liria, demokracia, barazia dhe respekti për të drejtat e njeriut janë vlerat tona të përbashkëta themelore të cilat nuk do të lejojmë që të vihen në rrezik," u tha eurodeputetëve, presidentja e Komisionit, Ursula fon der Layen.
Parlamentit Europian iu drejtua edhe kryeministri polak, Mateush Moraviecki.
Ai apeloi vendet anëtare një ditë më parë që të mos e pranojnë transformimin gradual të BE-së nga një aleancë vendesh të lira e sovrane në një organizëm të centralizuar, ku qytetarët europianë nuk ushtrojnë dot kontroll demokratik.
"Të mos përhapim më gënjeshtra se Polonia dashka të largohet nga BE-ja. Kompetencat e BE-së kanë kufij të qartë dhe ne nuk mund të heshtim kur ata kufij kapërcehen. Pra ne i themi po universalizmit europian, por i themi centralizmit europian."
Presidentja Von der Layen i paraqiti Polonisë tri opsione se si mund të dilet nga ngërçi aktual: duke e sfiduar ligjërisht verdiktin e Gjykatës Kushtetuese polake, duke i bllokuar vendit miliarda dollarë fonde për rimëkëmbjen ekonomike, ose duke e përjashtuar vendin nga blloku për shkelje të vlerave themelore të BE-së.
© SYRI.net
Sulm me thikë në një shkollë në Uells, plagosen dy mësues dhe një nxënës, arrestohet adoleshentja për tentativë vrasjeje
Tentuan të arratiseshin përmes një tuneli, të burgosurit në Venezuelë u përballën me një surprizë të padëshiruar
DW/ Gjermania rifillon pagesat për UNRWA e punë për palestinezët
Denonco
Merrni lajmet më të fundit nga SYRI.net në çdo moment dhe kudo që të jeni!
