Tre të vdekur dhe 50 të lënduar në Montana, pasi treni doli nga shinat

14:46, 26/09/2021

Të paktën tre persona kanë vdekur dhe 50 të tjerë janë lënduar pasi një tren doli nga shinat në shtetin e Montanas, ShBA.

Disa pjesë të trenit “Amtrak Empire Builder” dolën nga shinat rreth orës 16:00 me orën lokale pranë qytetit të Joplinit.

Nga “Amtrak” thanë se kishte rreth 141 pasagjerë dhe 16 ekuipazh në bordin e shërbimit, shkruan BBC.

Në një postim në Twitter, senatori shtetëror, Steve Daines, tha se ai po e monitoron nga afër këtë situatë.

“Unë jam mirënjohës për personat e parë që janë në vendngjarje dhe lutem për sigurinë e të gjithë të përfshirëve”, ka shtuar ai.

Bordi Kombëtar Amerikan i Sigurisë së Transportit ka nisur një hetim mbi incidentin.

 

© SYRI.net

Lexo edhe:

• Turqia akuzon Njetanjahun: Po zgjat luftën për të qëndruar në pushtet
• Zyrtarët ukrainas akuzojnë Rusinë për sulm vdekjeprurës me raketa në Chernihiv
• '5 miliardë dollarë'/ Izraeli plan për rindërtimin e komuniteteve pranë kufirit të Gazës