Mes viktimave të një bombardimi izraelit të mërkurën në mbrëmje qëndron emri i Reema Saad, me profesion gazetare, 30-vjeçe, e cila ishte në muajin e katër të shtatzënisë.
Bashkëshorti dhe dy fëmijët e saj humbën jetën me të. Sipas gazetës, Middle East Eye gazetarja ishte në banesën e saj në periferi të Tal al-Haëa, në jug të qytetit të Gazës, ku rreth orës 01:30 të mëngjesit, ndërtesa u godit nga një tjetër sulm, duke mos i lënë asnjë mundësi asnjë anëtari familjes së saj të shpëtojë.
Pas bombardimeve, ekipet e shpëtimit ndërhynë për të nxjerrë njerëzit e mbetur nën rrënoja. Trupi i Reema u gjet i pajetë, ndërsa burri dhe djali i saj i vogël u dërguan në spital, ku më pas ndërruan jetë.
“Kur zbuloi se ishte shtatzënë, Reema ishte shumë e lumtur”, tha Samar Saad, motra e gazetares Middle East Eye, duke shtuar se “djali i saj Zaid shpresonte që foshnja të ishte djalë”.
Reema dhe Zaid janë mes 192 civilëve palestinezë të vrarë që nga fillimi i javës, kur Izraeli filloi bombardimet në Rripin e Gazës.
© SYRI.net
Izraeli kundër Iranit: Nga atentatet e synuara dhe lufta kibernetike te sulmet me raketa
Zelensky: Izraeli nuk u la i vetëm me Iranin si ne me Rusinë
VOA/ Sulm i dyshuar izraelit ndaj Iranit, SHBA mohon përfshirjen
Denonco
Merrni lajmet më të fundit nga SYRI.net në çdo moment dhe kudo që të jeni!
