Do të jetë intervista e vitit.
Princ Harry dhe gruaja e tij Meghan Markle siç është shkruar gjatë dhe më herët kanë dhënë intervistën e tyre të parë, për Oprah Winfrey.
Intervista është planifikuar të transmetohet në 7 mars por ditën e djeshme rrjeti i transmetimit CBS ka publikuar dy klipe të shkurta nga intervista.
Harry 36 vjeç shihet i ulur pranë Meghan 39 vjeç , të cilën po e mbante për dore.
‘Shqetësimi im më i madh ishte përsëritja e hsitorisë’ dëgjohet duke thënë Harry në video, ku mesa duket i referohet historisë së nënës së tij Princesh Dianës, e cila ndëroi jetë në moshën 36 vjeçare në një aksident me makinë pas divorcit me Princin Charles.
Çifti njoftoi më 14 shkurt se ishin në pritje të fëmijës së tyre të dytë.
"Unë thjesht jam i lehtësuar dhe i lumtur që po flas për të me ty me gruan time në krah", tha princi.
"Për shkak se nuk mund ta imagjinoj si mund të ketë qenë për të [Diana-n], të kalonte këtë proces vetë gjithë vite më parë.”
"Ka qenë tepër e vështirë për ne të dy, por të paktën kemi pasur njëri-tjetrin,” shton ai.
Winfrey është shprehur se asnjë temë nuk është jashtë kufijve dhe në një moment i thotë çiftit" ju keni thënë disa gjëra mjaft tronditëse këtu " duke përfshirë që situata e tyre kishte qenë" pothuajse e pashmangshme ".
Para se të transferoheshin në Kaliforni, çifti ishte ankuar për trajtimin e tabloideve britanike ndaj Meghan, babai i së cilës është i bardhë dhe nëna është afro-amerikane, për disa prej të cilave ata thanë se ishin ngacmim ose racizëm.
Në fillim të këtij muaji, Pallati Buckingham njoftoi se çifti nuk do të kthehen në jetën e tyre si anëtarë të familjes mbretërore.
Familja mbretërore thuhet se nuk është shumë e lumtur për intervistën e çiftit me Oprah.
Intervista do të transmetohet disa orë pasi Mbretëresha Elizabeth do t'u drejtohet vendeve të komonuelthit në një fjalim televiziv.
© SYRI.net
Provat zbulojnë mangësi shqetësuese në sistemin anti-dronë të Francës për Lojërat Olimpike
Pse Irani po mundohet ta fshehë sulmin izraelit?
Lajme në pak minuta: Çfarë po ndodh në botë?
Denonco
Merrni lajmet më të fundit nga SYRI.net në çdo moment dhe kudo që të jeni!
