Qeveria e Etiopisë po akuzon kreun e Organizatës Botërore të Shëndetësisë, një etiopian, për lobim në vendet fqinje për t'i ardhur në ndihmë qeverisë rebele të rajonit Tigray të vendit me armë dhe mbështetje të tjera.
Shefi i ushtrisë së Etiopisë, Gjenerali Birhanu Jula, u pohoi gazetarëve të mMërkurën se Tedros Adhanom Ghebreyesus u kishte kërkuar fqinjëve pa i emërtuar të "kundërshtonin luftën dhe që Fronti i Çlirimit të Popullit Tigray të rrëmbente armët".
Shefi i ushtrisë nuk dha ndonjë provë për të mbështetur pretendimet e tij.
Fronti i Çlirimit është përplasur me forcat federale etiopiane për dy javë pasi kryeministri i vendit akuzoi qeverinë rajonale të armatosur rëndë për sulm të një baze ushtarake. Secila qeveri e konsideron tjetrën si të paligjshme pas një rënie disa mujore të reformave politike.
Shefi i ushtrisë akuzoi Tedros, një ish-ministër i jashtëm etiopian kur Fronti i Çlirimit mbizotëronte në koalicionin qeverisës të Etiopisë, se ishte anëtar i këtij Fronti dhe e pyeti: "Çfarë pret nga një person si ai?"
Nuk pati përgjigje të menjëhershme nga selia e OBSH-së.
"Ajo që mund të them në përgjigje është se unë e njoh Tedros, e njoh atë si dikë që po promovon me pasion shëndetin global, promovon shëndetin e mirë të njerëzve dhe promovon paqen," u tha gazetarëve shefja e OBSH për Afrikën, znj. Matshidiso Moeti gjatë një konferencë për COVID-19.
"Unë mendoj se kjo është shkalla e njohurive të mia për Tedros si një person."
© SYRI.net
Vapa përvëluese mbyll shkollat për 33 milionë fëmijë në Bangladesh
SHBA-ja i dërgon Ukrainës raketa me rreze veprimi prej 300 kilometrash
Bie çmimi i naftës ndërsa zbutet tregu i punës në Shtetet e Bashkuara
Denonco
Merrni lajmet më të fundit nga SYRI.net në çdo moment dhe kudo që të jeni!
