Konflikti dyjavor në rajonin Tigray në very të Etiopisë po zhvillon një "krizë humanitare të plotë", ka thënë OKB. Të paktën 27,000 njerëz kanë ikur deri më tani në Sudanin fqinj dhe OKB thotë se ekipet e saj atje janë të mbingarkuara. Luftimet shpërthyen pasi qeveria e Etiopisë akuzoi Frontin e Çlirimit të Popullit Tigray, i cili kontrollon rajonin e Tigray, për tradhti.
Fronti i Çlirimit e sheh qeverinë federale si të paligjshme. Nga konflikti janë vrarë me qindra njerëz, por marrja e informacionit nga Tigray është e vështirë pasi ekziston një ndërprerje e komunikimeve virtuale.
OKB ka frikë se mijëra njerëz që po ikin nga Etiopia mund të jenë vetëm një pjesë e atyre që janë të detyruar nga shtëpitë e tyre për shkak të luftimeve, por për momentin agjencitë e ndihmës nuk mund të afrohen në rajonin Tigray.
Fuqitë rajonale Kenia dhe Uganda kanë bërë thirrje për negociata për të gjetur një zgjidhje paqësore të konfliktit.
Qeveria etiopiane megjithatë e ka përjashtuar uljen për bisedime me Frontin e Çlirimit, të cilin e sheh si një "klikë" që synon shkatërrimin e rendit kushtetues të vendit.
Të martën Kryeministri i Etiopisë, Abiy Ahmed, tha se operacioni ushtarak në Tigray po hynte në "fazën e tij të fundit", duke shtuar se një ultimatum treditor i dhënë grupeve të armatosura në Tigray për t'u dorëzuar kishte skaduar.
Çfarë tha OKB?
Agjencia e OKB për refugjatët, UNHCR, tha se "po shpaloset një krizë e gjërë humanitare" dhe mijëra njerëz po largoheshin nga luftimet e vazhdueshme në rajonin Tigray.
Agjencia ishte "në gatishmëri për të ofruar ndihmë në Tigray kur t’i lejohet hyrja dhe jepet siguria" tha zëdhënësi Babar Baloch në një konferencë për shtyp në Gjenevë.
"Mund të ketë zhvendosje masive brenda rajonit Tigray, ky është një shqetësim dhe ne po përpiqemi të përgatitemi në mënyrën më të mirë të mundshme", tha Jens Laerke, zëdhënësi i Zyrës së OKB për Koordinimin e Çështjeve Humanitare (OCHA).
Çfarë tjetër tha kryeministri etiopian Abiy?
Në një postim në Facebook ai falënderoi luftëtarët e Frontit të Çlirimit, të cilët shfrytëzuan afatin treditor për të ndryshuar kahun, por nuk e dha numrin e atyre që e bënë.
Ai tha se qeveria e tij "është e gatshme të pranojë dhe riintegrojë shokët tanë etiopianë që ikin në vendet fqinje".
Z. Abiy gjithashtu i udhëhoqi etiopianët në një moment për të falënderuar trupat federale që po marrin pjesë në operacionin në Tigray.
Llogaria e tij në Twitter shpërndau fotografi të ngjarjes:
Qindra njerëz thuhet se kanë vdekur në Etiopi që kur filluan luftimet, një masakër civile .
Grupi i të drejtave të njeriut Amnesty International tha se kishte konfirmuar se " qindra njerëz u vranë me thikë ose u goditën për vdekje" në qytetin e Mai-Kadra (Maj Cadera) të hënën javën e kaluar.
Kryeministri Abiy ka akuzuar forcat besnike ndaj udhëheqësve të rajonit të Tigray për vrasjet masive, ndërsa Fronti i Çlirimit e ka mohuar se është përfshirë në këto masakra.
Komisioni i Etiopisë për të Drejtat e Njeriut tha se do të dërgonte një ekip për të hetuar.
Pse po lufton qeveria me Frontin e Çlirimit të Popullit Tigray
Fronti i Çlirimit e dominoi jetën ushtarake dhe politike të Etiopisë për dekada me radhë para se kryeministri Abiy të merrte detyrën në 2018 dhe të nxiste reformat e mëdha.
Vitin e kaluar, kryeministri Abiy e shpërndau koalicionin qeverisës, të përbërë nga disa parti rajonale me bazë etnike dhe i bashkoi ato në një parti të vetme kombëtare, me të cilën Fronti i Çlirimit nuk pranoi të bashkohej.
© SYRI.net
‘Asnjë sulm nga jashtë kufirit’, Irani: Dronët u lëshuan nga të infiltruar brenda vendit
Asnjë zyrtar në Teheran nuk e ka pranuar direkt se Irani është nën sulm 
CNN: Lindja e Mesme në teh pas sulmit të Izraelit ndaj Iranit, çfarë dihet deri tash?
Denonco
Merrni lajmet më të fundit nga SYRI.net në çdo moment dhe kudo që të jeni!
