Protestues pro Azerbajxhanit në Stamboll, Turqi.
Luftimet midis Armenisë dhe Azerbajxhanit për rajonin e diskutueshëm të Nagorni - Karabakut janë përshkallëzuar në mënyrë dramatike pasi Baku akuzoi forcat armene për sulm me raketa mbi Ganja, qytetin që shtrihet jashtë territorit të debatuar.
Të paktën një civil u vra dhe katër të tjerë u plagosën në sulmin e së dielës në Ganja, qytetin e dytë më të madh i Azerbajxhanit, 100 km (60 milje) në veri të kryeqytetit të Karabakut, Stepanakert.
Armenia, ndërkohë, tha se vetë Stepanakert, i cili ka qenë nën sulme me granata që nga e premtja, u godit përsëri të dielën. Kishte raportime për civilë të vdekur dhe të plagosur si në kryeqytet ashtu edhe në qytetin historik Susha, për të cilin Ministria e Jashtme të Armenisë akuzoi forcat azere për "vënien nën shënjestër qëllimisht të popullatës civile".
Luftimet i çojnë dy ish-republikat sovjetike një hap më afër luftës së plotë pas tetë ditësh përplasjesh dhe kërcënojnë të tërheqin fuqitë rajonale Turqinë, Rusinë dhe Iranin në një betejë për ndikim në Kaukazin e ndjeshëm të Jugut.
Në një fjalim të zjarrtë televiziv drejtuar kombit, presidenti i Azerbajxhanit Ilham Aliyev vendosi kushte për një ndalje të luftimeve, që do të ishin gati të pamundura që Armenia t’i pranonte.
© SYRI.net
Përplasen dy helikopterë të marinës në Malajzi, 10 të vdekur
Nxënësi në një shkollë në Kroaci kërcënon klasën, i gjenden armë në banesë
Vdekjet e pashpjegueshme të të burgosurve palestinezë në Izrael
Denonco
Merrni lajmet më të fundit nga SYRI.net në çdo moment dhe kudo që të jeni!
