Shefi i Stafit të Shtëpisë së Bardhë, Mark Meadows, tha se gjendja shëndetësore e presidentit Donald Trump të premten ishte dukshëm më e keqe sesa u njoftua së pari, duke shtuar se mjekët rekomanduan që ai të transferohej në spital për shkak të etheve dhe rënies së niveleve të oksigjenit në gjak, dhe se tani ai është më mirë.
Në një intervistë për Fox News, Meadows komentoi raportet kontradiktore dhe të paqarta në lidhje me shëndetin e presidentit 74-vjeçar, i cili kontraktoi COVID-19.
“Dje në mëngjes ishim vërtet të shqetësuar. Ai kishte ethe dhe niveli i oksigjenit në gjak kishte rënë. Por, në stilin e tij tipik, presidenti ishte në këmbë dhe po ecte,” tha Meadows.
“Unë mund t’ju them këtë, gjëja më e rëndësishme është që tani nuk ka ethe dhe se presidenti është me të vërtetë mirë kur bëhet fjalë për ngopjen e gjakut me oksigjen”, shtoi ai.
Përfaqësuesit e Shtëpisë së Bardhë, përfshirë Meadows, thanë të premten se presidenti ka “simptoma të lehta” dhe se ai po vazhdon të punojë. Por mjekët nga Spitali Ushtarak Walter Reed dhe Spitali Johns Hopkins rekomanduan që Trump të transferohej në spital.
“Gjendja e tij është përmirësuar jashtëzakonisht shumë që nga dje në mëngjes, veçanërisht kur e di që një numër i madh njerëzish, përfshirë mua dhe mjekun, janë shumë të shqetësuar”, tha Meadows.
Një ditë pas mesazheve kontradiktore nga Shtëpia e Bardhë, Trump iu drejtua publikut nga spitali përmes Twitter-it duke thënë se ai ndihej “shumë më mirë” dhe shpreson ‘të kthehet së shpejti’.
I pari i SHBA-ve u transferua me helikopter nga Shtëpia e Bardhë në Walter Reed, jo shumë larg Uashingtonit, të premten, rreth orës 17.00, pasi ai njoftoi se ishte i infektuar.
© SYRI.net
Izraeli kundër Iranit: Nga atentatet e synuara dhe lufta kibernetike te sulmet me raketa
Zelensky: Izraeli nuk u la i vetëm me Iranin si ne me Rusinë
VOA/ Sulm i dyshuar izraelit ndaj Iranit, SHBA mohon përfshirjen
Denonco
Merrni lajmet më të fundit nga SYRI.net në çdo moment dhe kudo që të jeni!
