Franca i çliron nga skllavëria, ndalon përdorimin e kafshëve të egra në cirqet shëtitëse

13:31, 30/09/2020

Franca ka thënë se gradualisht do të ndalojë përdorimin e kafshëve të egra në cirqet shëtitëse, në kuadrin e masave të për mirëqenien e kafshëve.

Të martën, Ministrja e Ekologjisë Barbara Pompili tha, "Qëndrimi ynë ndaj kafshëve të egra ka ndryshuar."

Ajo gjithashtu njoftoi një ndalim të fermave për lesh dhe mbajtjen e delfinëve dhe orkave në robë në parqet detare.

Masa u përshëndet si "një fitore historike" nga grupet kryesore të të drejtave të kafshëve.

"Është koha për të hapur një epokë të re në marrëdhëniet tona me këto kafshë të egra," tha zonja Pompili gjatë një konference shtypi.

"Është koha që magjepsja jonë e lashtë për këto qenie të egra, nuk do të thotë më që ata të përfundojnë në robëri".

Ministrja nuk përshkroi një afat të saktë për ndryshimet, por tha se ato do të zbatoheshin "në vitet që do të vijnë".

"Vendosja e një date nuk i zgjidh të gjitha problemet," u tha ajo gazetarëve.

Arinjtë, tigrat, luanët, elefantët dhe kafshët e tjera të egra nuk do të lejohen më në cirkët udhëtues sipas këtij udhëzimi.

Por qeveria tha se rregullat nuk do të zbatoheshin për kopshtet zoologjike dhe atraksione të tjera të përhershme ose shfaqje.

Përveç masave, dhe duke filluar menjëherë, zonja Pompili tha se tre akuariumet detare të Francës nuk do të ishin më në gjendje të mbarështonin ose të sillnin delfinë ose orka të reja. Asnjë akuarium i ri detar nuk do të ndërtohej, tha ajo.

Ministrja shtoi se qeveria po konsideronte krijimin e një parku të mbrojtur për kafshët aktualisht në robëri.

© SYRI.net

Lexo edhe:

• Përplasen dy helikopterë të marinës në Malajzi, 10 të vdekur
• Nxënësi në një shkollë në Kroaci kërcënon klasën, i gjenden armë në banesë
• Vdekjet e pashpjegueshme të të burgosurve palestinezë në Izrael