166 persona janë arrestuar gjatë javës së kaluar në Europën Juglindore, prej tyre edhe në Shqipëri, si pjesë e një operacioni masiv të organizuar nga Europol kundër trafikut të lëndëve narkotike.
Në total në operacionin që zgjati katër ditë morën pjesë 34 shtete dhe 8838 efektivë të forcave të Policisë, Rojes Bregdetare dhe Roja Kufitare Detare, Tokësore e Ajrore, thotë Europol.
Shtetet pjesëmarrëse në operacion
Vende anëtare të BE: Austria, Bullgaria, Kroacia, Qipro, Danimarka, Finlanda, Franca, Gjermania, Greqia, Irlanda, Italia, Hungaria, Letonia, Lituania, Luksemburgu, Holanda, Polonia, Portugalia, Rumania, Sllovakia, Sllovenia, Spanja, Suedia.
Vende jo anëtare të BE: Shqipëria, Bosnjë-Herzegovina, Kosova, Moldavia, Mali i Zi, Maqedonia e Veriut, Serbia, Zvicra, Mbretëria e Bashkuar, Ukraina, Shtetet e Bashkuara të Amerikës.
Agjenci të tjera: Europol, Eurojust, Frontex, Interpol
Gjatë operacionit, u kontrolluan më shumë se 390 mijë persona dhe 44 mijë mjete, në pika të ndryshme kufitare dhe pika të ndryshme që dyshohet se shërbejnë për trafiqe. Gjatë këtyre kontrolleve, arrestimet janë kryer për vepra të ndryshme penale, thotë Europol.
Trafik armësh dhe armëmbajtje pa leje: 17 arrestime
Trafikim emigrantësh ose emigracion i paligjshëm: 73 arrestime
Trafik lëndësh narkotike: 37 arrestime
Trafik armësh dhe lëndësh narkotike: 7 arrestime
Falsifikim dokumentesh: 12 arrestime
Urdhër ndërkombëtar arresti: 1 arrestim
Vepra të tjera penale: 19 arrestime
Gjithashtu janë sekuestruar 51 armë dhe 47 kilogramë lëndë të ndryshme narkotike.
© SYRI.net