Duke akuzuar Moskën për fshehjen e provave të helmimit, Alexei Navalny kërkon t’i kthehen rrobat që kishte veshur kur ra në koma muajin e kaluar.
Kritiku i ashpër i Presidentit rus Vladimir Putin, shprehet në një postim të bërë në blogun e tij personal se atij iu ndërruan rrobat para se të transferohej nga Siberia në Gjermani për trajtim mjekësor.
“Para se të më jepnin leje për t’u transportuar në Gjermani, ata më hoqën të gjitha rrobat dhe më dërguan lakuriq. Duke qenë se Novichok u gjet në trupin tim dhe ndotja për shkak të kontaktit është mjaft e mundshme, rrobat e mia janë një provë e rëndësishme”, shkruan Navalny.
Navalny shkruan për herë të parë se “ata u përpoqën ta vrisnin atë me një substancë helmuese të përdorur nga ushtria”. Në të njëjtën kohë, ai tërheq vëmendjen për faktin se afati për të kryer një “procedurë para-hetimore” në lidhje me çështjen e tij ka skaduar, pasi tashmë kanë kaluar 30 ditë nga dita kur ai u helmua. Navalny tregon se dy laboratorë të pavarur në Francë dhe Suedi, si dhe laboratori special i ushtrisë gjermane, kanë konfirmuar ekzistencën e Novichok në trupin e tij.
“Sidoqoftë, në realitetin politik dhe ligjor rus kjo nuk ekziston. Rusia nuk është ndjekur penalisht, por ekziston një procedurë paraprake për pranimin tim në spital. Kam përshtypjen se nuk kam rënë në koma kur isha në aeroplan”, shkroi Navalny në postimin e tij.
© SYRI.net
Britania dhe SHBA-ja shpallin sanksione ndaj Iranit
Borrell paralajmëron: Lufta rajonale në Lindjen e Mesme do të sjellë dallgë tronditëse në Evropë!
Yulia Navalnaya: Dua t’u jap shpresë rusëve dhe kam një mesazh për gangsterin Putin
Denonco
Merrni lajmet më të fundit nga SYRI.net në çdo moment dhe kudo që të jeni!
