Shpërthimi apokaliptik ka shkatërruar tërësisht kryeqytetin e Libanit, Bejrutin, pasi janë evidentuar të gjithë të plagosurit dhe është bërë bilanci i viktimave tani është rradha e vlerësimit të dëmit ekonomik, që sipas raportimeve të para është jashtëzakonisht i lartë .
Presidenti libanez Michel Aoun tha se dëmet materiale nga shpërthimi masiv në Bejrut javën e kaluar mund të kushtojnë më shumë se 15 miliardë dollarë, transmeton Anadolu Agency (AA).
"Vlerësimet fillestare të humbjeve të pësuara nga Libani tejkalojnë shifrën 15 miliardë dollarë, përveç humbjeve të tjera materiale dhe dëmtimit të portit dhe nevojës për materiale ndërtimi për të rindërtuar lagjet e shkatërruara nga shpërthimi”, tha Aoun gjatë një bisede telefonike me mbretin spanjoll Felipe VI.
Ndërkaq, Felipe tha se Spanja dërgoi ndihmë emergjente dhe do të vazhdojë të sigurojë ndihmë për të ndihmuar Libanin t’i përballojë pasojat e aksidentit.
"Populli spanjoll është në solidaritet me popullin libanez në këtë fatkeqësi me të cilën janë përballur”, tha Felipe.
Në një deklaratë të Drejtorisë së Përgjithshme Libaneze për Çështjet e Sigurimit thuhet se të paktën 3.972 ndërtesa dhe 4.214 automjete janë dëmtuar nga shpërthimi.
Shpërthimi i fuqishëm tronditi kryeqytetin libanez dhe rrethinat e tij pasi 2.750 tonë nitrat amoniumi të ruajtura në një depo u kapluan nga zjarri.
Vala e shpërthimit rrafshoi ndërtesat në afërsi dhe shkaktoi dëme të mëdha materiale në Bejrut, duke lënë qindra mijëra banorë të pastrehë.
Shpërthimi ndodhi në një kohë kur Libani po përballet me një krizë të rëndë financiare, krahas pandemisë së koronavirusit.
© SYRI.net
Vapa përvëluese mbyll shkollat për 33 milionë fëmijë në Bangladesh
SHBA-ja i dërgon Ukrainës raketa me rreze veprimi prej 300 kilometrash
Bie çmimi i naftës ndërsa zbutet tregu i punës në Shtetet e Bashkuara
Denonco
Merrni lajmet më të fundit nga SYRI.net në çdo moment dhe kudo që të jeni!
