Grupi terrorist, ISIS, e ka marrë përgjegjësinë për shpërthimin e një bombe të shtunën, me ç’rast u vranë një gazetar dhe një teknik. Ata po udhëtonin me një minibus, ku ndodheshin disa punëtorë të një televizioni lokal.
Përpos të vrarëve, në këtë sulm u plagosën së paku shtatë persona. Nga pamjet e publikuara shihet se minibusi është dëmtuar shumë nga shpërthimi në pjesën e përparme, shkruan “Reuters”.
“Kolegët tanë, Mir Wahed Shah, reporter për ekonomi, dhe Shafiq Amiri, punëtor në departamentin deknik, ranë martirë në incident”, dha drejtori i televizionit “Khurshid TV”, Rafi Rafiq Sediqi.
Këtë sulm e dënuan Shtetet e Bashkuara, Bashkimi Evropian dhe NATO-ja. Vitin e kaluar, dy punëtorë të këtij televizioni u vranë dhe dy të tjerë u plagosën në një sulm të ngjashëm.
Grupi famëkeq i ISIS-it, që lufton kundër forcave qeveritare dhe kundër talibanëve në Afganistan, e ka marrë përgjegjësinë për disa prej sulmeve më vdekjeprurëse në zonat urbane të këtij shteti në vitet e fundit. Sidoqoftë, përfaqësuesit e ISIS-it nuk kanë dhënë ndonjë arsye pse e kanë sulmuar këtë minibus.
Talibanët dhe militantët e grupeve tjera në mënyrë të përsëritur i kanë vënë në shënjestër gazetarët afganë. Në vitin 2018, që ishte më i përgjakshmi për punëtorët e kësaj fushe, u vranë 15 gazetarë.
© SYRI.net
Borrell paralajmëron: Lufta rajonale në Lindjen e Mesme do të sjellë dallgë tronditëse në Evropë!
Yulia Navalnaya: Dua t’u jap shpresë rusëve dhe kam një mesazh për gangsterin Putin
BE do të forcojë sanksionet ndaj Iranit pas sulmit ndaj Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
