Ulet numri i rasteve të reja me COVID-19 në Gjermani

Ulet numri i rasteve të reja me COVID-19 në Gjermani

08:41, 31/05/2020

Gjatë 24 orëve në Gjermani janë shënuar 286 raste të reja me koronavirus, mbi 450 më pak se një ditë më parë.

Kështu ka bërë të ditur Instituti gjerman për sëmundje ngjitëse “Robert Koch”.

Në këtë mënyrë, numri i përgjithshëm i të infektuarve me COVID-19 në ekonominë më të fuqishme të Evropës shkoi në 181 mijë e 482 persona, shkruan “Reuters”,

Përpos të infektuarve, gjatë kësaj periudhe u shënuan 11 viktima të reja dhe numri i përgjithshëm i të vdekurve nga virusi i ri shkoi në 8 mijë e 500.

Gjermania është në mesin e vendeve evropiane me më së shumti të infektuar me koronavirus, por ka dukshëm më pak viktima se shtetet si: Britania e Madhe, Franca, Spanja e Italia.

Qeveria gjermane i ka larguar shumë masa të kufizimeve me qëllim të ringjalljes së ekonomisë. Pritet që në fillim të qershorit vendi të hapet edhe për udhëtime ndërkombëtare.

 

© SYRI.net

Lexo edhe:

Komentet

Shto koment

Denonco