Zvicra lehtëson masat anticovid/ Hap kufirin me Italinë në korrik

Zvicra lehtëson masat anticovid/ Hap kufirin me Italinë në korrik

22:31, 27/05/2020

Sipas një njoftimi të qeverisë, Zvicra do të heqë kufizimet e udhëtimit me Italinë fqinje dhe të gjitha vendet e tjera në zonën e lëvizjes së lirë të Shengenit në Europë, duke filluar nga 6 korriku.

Ndërkohë kufijtë me Gjermaninë, Francën dhe Austrinë është vendosur tashmë të rihapen më 15 qershor.

“Për shkak të numrit të ulët të infektimeve të reja me COVID-19 në Zvicër, kompanitë zvicerane do të lejohen të punësojnë personel të nevojshëm urgjent nga vendet e tjera europiane nga 8 qershori”, tha ministrja e Drejtësisë dhe e Policisë, Karin Keller-Sutter, në një konferencë për shtyp në Bernë.

Zvicra, e cila ndan kufirin me rajonin më të prekur italian, Lombardinë, ka regjistruar afro 30 800 raste infektimi dhe më shumë se 1 600 vdekje të lidhura me COVID-19.

© SYRI.net

Lexo edhe:

Komentet

Shto koment

Denonco