Vazhdimi i masave kufizuese/ Trump njofton zhvendosjen e kuvendit republikan në një tjetër shtet

Vazhdimi i masave kufizuese/ Trump njofton zhvendosjen e kuvendit republikan në një tjetër shtet

16:59, 25/05/2020

Presidenti Donald Trump paralajmëroi të hënën se mund të zhvendosë kuvendin republikan që është planifikuar të zhvillohet në Karolinën e Veriut në gusht, në një shtet tjetër nëse vazhdojnë masat e distancimit fizik.

Epidemia e koronavirusit ka detyruar presidentin dhe rivalin e tij demokrat Joe Biden të ndalin tubimet për fushatë, raporton VOA.

Disa kanë bërë thirrje për zhvillimin e kuvendeve partiake përmes rrjeteve dixhitale, pasi grumbullimet e mëdha shoqërohen me kërcënimin për përhapje të epidemisë.

Presidenti tha përmes Twitterit se nëse guvernatori demokrat i Karolinës së Veriut, Roy Cooper nuk përgjigjet menjëherë “nëse do të lejojë mbushjen e plotë të objektit” për kuvendin republikan, atëherë partia “do të gjejë një tjetër objekt dhe do ta zhvendosë këtë aktivitet dhe të gjitha vendet e punës që krijon”.

Kuvendet partiake shoqërohen me vëmendje intensive të medias kombëtare dhe ndërkombëtare dhe shënojnë fillimin e sprintit të fundit drejt zgjedhjeve të nëntorit.

Kuvendi republikan është parashikuar të mbaht më 24 gusht në Sharlot të Karolinës së Veriut.

Kuvendi i demokratëve është parashikuar të mbahet më 17 gusht në Miuaki të Uiskonsinit.

© SYRI.net

Lexo edhe:

Komentet

Shto koment

Denonco