Policia e Nju Jork-ut preket nga COVID-19/ Rreth 20% e tyre janë të infektuar

19:21, 09/04/2020

Deri tani, afërsisht 20 % e Departamentit të Policisë së Nju Jorkut është prekur nga COVID-19.  

Sipas një zyrtari të departamentit, ata thonë se deri më sot, ka 7.155 anëtarë me uniformë të Departamentit të Policisë që janë të sëmurë dhe kjo përbën 19.8% të forcave të tyre, raporton CNN.  

Bëhet gjithashtu me dije se 243 anëtarë janë rikthyer në punë pasi kanë kaluar sëmundjen.  

Nga ana tjetër Nju Jorku ka raportuar këtë të enjte 799 viktima të reja duke shënuar kështu një tjetër rekord të zi sa i përket fataliteteve ditore.  

Numri i rasteve të reja me koronavirus ishte 8,766 duke rritur totalin në 159,937 nga të cilët rreth 7 mijë kanë ndërruar jetë.  

Nju Jork mbetet shteti më i goditur nga pandemia e COVID-19 në Shtetet e Bashkuara të cilat po i afrohen shifrës prej gjysëm milioni të infektuarish në total.  

 

 

© SYRI.net

Lexo edhe:

• Gjykata e Apelit në Nju Jork rrëzon dënimin e Harvey Weinstein
• Kryeministri i Spanjës po shqyrton dorëheqjen për shkak të hetimeve ndaj bashkëshortes së tij
• Si e ndihmoi Meghan Markle Mbretin Karli III