Nga Toby Luckhurst, BBC
Shtetet nëpër Europë kanë nisur me kujdes që të lehtësojnë masat e izolimit, pasi shkalla e infeksionit po bie ngadalë.
Dyqanet e vogla do të hapen në Austri dhe në Republikën Çeke, kurse shkollat në Danimarkë do hapen më 15 prill.
Ministri gjerman i Shëndetësisë, Jens Spahn sugjeroi se do ketë një kthim gradual të normalitetit pas Pashkëve, nëse vazhdon tendenca aktuale pozitive e shifrave.
Edhe në kombet më të prekura ka arsye për optimizëm. Raportimet nga Italia sugjerojnë se kufizimet mund të lehtësohen më 4 maj.
Dhe të enjten në mëngjes, kryeministri spanjoll Pedro Sanchez tha se vendi i tij mund të jetë duke e kaluar më të keqen. “Zjarri po vihet nën kontroll,” tha ai në parlament.
Megjithatë mbetet shqetësimi për fundjavën e Pashkëve, kur njerëzit zakonisht udhëtojne për të parë të dashurit e tyre. Që nga mesnata, Portugalia ka ndaluar njerëzit të largohen nga zona e tyre pa dokumente zyrtare, me kontrolle policore për të zbatuar izolimin.
Dhe BE ende nuk ka vendosur si do i përgjigjet krizës ekonomike. Ministrat e Financave do të mbajnë një telekonferencë tjetër sot në përpjekje për të gjetur një plan shpëtimi.
© SYRI.net
Vapa përvëluese mbyll shkollat për 33 milionë fëmijë në Bangladesh
SHBA-ja i dërgon Ukrainës raketa me rreze veprimi prej 300 kilometrash
Bie çmimi i naftës ndërsa zbutet tregu i punës në Shtetet e Bashkuara
Denonco
Merrni lajmet më të fundit nga SYRI.net në çdo moment dhe kudo që të jeni!
