Sean Hernandez thotë se ai mbulon gojën dhe hundën me një bluzë ose peshqir kur largohet nga qelia e tij, mbrojtja e vetme që mund të improvizojë kundër shpërthimit të koronavirusit, i cili ka përfshirë sistemin e burgjeve të Rikers Island në New York.
Të burgosurit nuk kanë qasje në doreza ose maska të duhura dhe kanë vetëm ujë të ftohtë për të larë duart, tha Hernandez, i cili ishte i dënuar për vrasje në tentativë dhe ka vuajtur tetë vjet, raporton Reuters.
Ai tha se të burgosurit ishin dëshmitarë të enjten ndërsa roja po kollitej, faqet e saj ishin të kuqe dhe ajo u rrëzua në tokë.
"Ne jemi duke iu përgjëruar oficerëve për mbrojtje më të mirë”, tha ai. "Ata thjesht grinden. Në fund të fundit, ne jemi thjesht të burgosur, qytetarë të klasit të dytë. Ne jemi si bagëti. "
Që nga e shtuna, të paktën 132 të burgosur dhe 104 staf në burgjet e New York City kishin rezultuar pozitiv me COVID-19, sëmundja e shkaktuar nga koronavirusi.
Në të gjithë Shtetet e Bashkuara, burgjet po raportojnë një përhapje të përshpejtuar të sëmundjes së re dhe se ata po marrin një qasje të larmishme për të mbrojtur të burgosurit.
© SYRI.net
DOKUMENTI/ Zbulohet letra e Agaçit: Po, jam i përfshirë në marrëveshjen për emigrantet
VIDEO/ Teliti: Taksimi për profesionet e lira, taksë kriminale që i vendoset trurit
Presidenti iranian kërcënon Izraelin: 'Nëse na sulmon, nuk ka gjasa të mbetet diçka nga shteti hebre'
Denonco
Merrni lajmet më të fundit nga SYRI.net në çdo moment dhe kudo që të jeni!
