Rriten frikshëm vdekjet në Francë/ 365 viktima për 24 orë nga COVID-19

Rriten frikshëm vdekjet në Francë/ 365 viktima për 24 orë nga COVID-19

22:08, 26/03/2020

Të paktën 1.696 njerëz në Francë kanë vdekur pas kontraktimit me koronavirus, tha të enjten Drejtori i Përgjithshëm i Shëndetësisë i Francës Jérôme Salomon.  

Totali i ri, që shënon një rritje prej 365 vdekje në vetëm 24 orë, doli “kundër pritshmërive”, shtoi Salomon.  

Duke folur gjatë një konference në Paris, Salomon tha se të paktën 29,155 njerëz kanë rezultuar pozitiv me COVID-19.  

Sipas Salomonit, 3.375 pacientë aktualisht po trajtohen në kujdes intensiv; nga këto raste, 34% janë nën moshën 60 vjeç, shtoi ai.  

Krahas Francës, shtetet që po pësojnë ngritje të numrit të rasteve me virusin me origjinë nga Wuhani i Kinës janë edhe Spanja e Gjermania.  

Gjatë ditës së djeshme u raportuan 700 vdekje nga koronavirusi i ri vetëm në Spanjë.  

Numri i të vdekurve në mbarë botën si pasojë e virusit ka prekur shifrën 22 mijë. 

© SYRI.net

Lexo edhe:

Komentet

Shto koment

Denonco